روح معلقه

من اي لكن الصوره الي اخدتها عنه انه دجال وبيعالج بالسحر رجعنا البيت امي بټعيط علي حالي الي وصلتله علي حسب كلامها وبتقول ليه بس يارب احنا طول عمرنا في حالنا ومأذناش حد..... قررت اني هرجع شغلي عشان ابعد بقدر الامكان عن البيت وعن كلام اهلي الي بقي بيديقني.. رجعت شغلي وقررت انسي يوم والتاني والموضوع بدأ يهدي فعلا... لكن في يوم وانا في الشعل باب مكتبي خبط.. ادخل... محدش دخل الباب خبط كمان.. ادخل... دخل شاب وسيم وقالي مساء الخير حضرتك متعرفنيش بس انا اعرف حضرتك بس حضرتك متعرفنيش... رديت عليه وقولتله انت مين وتعرفني منين... رد وقال انا الي وديتك المستشفى لما اغمي عليكي... رديت عليه وقولتله انا مش عارفه اشكر حضرتك ازاي... رد عليا وقالي لا ولا شكر ولا حاجه اي حد مكاني كان لازم يعمل كده انا بس حبيت اطمن عليكي... رديت عليه وقولتله انا متشكره اوي كلك ذوق.... المهم عرفت منه انه اسمه عمر وانه عايش مع امه... عرفت منين لان العلاقه بينا اتطورت وبقينا نتقابل ونتكلم... وكنت حاسه ناحيته فعلا بحاجات حلوه واني فعلا بحبه.... لكن من الواضح ان السعادة دي مش هتدوم... في يوم بعتبره الاسوء في حياتي... كنت بكلم عمر في الفون زي ما اتعودنا كل يوم.. كنا في الشتا والوقت اتأخر.... صوت المطر والبرق والرعد الي بره مخيف.... قولت لعمر انا هنام بقي الجو بدأ يبرد... قلي ماشي اشوفك بكره... قولتله ماشي.. وقفلت السكه معاه.. علي فكره عمر كان المفروض يجي يطلبني من اهلي بعد يومين... نمت صحيت علي صوت بينده عليا هبه... هبه حاولت اعرف مصدر الصوت... الصوت ده جاي منين... هبه لما ركزت لقيت نفسي مش نايمه علي سريري لا انا نايمه علي رمل... مفيش اي حاجه حواليا غير رمل حاولت اتحرك ايدي لمست حاجه ناشفه...... اعوذ بالله .. اعوذ بالله ده عضم عضم بشړي... اذن مش محتاجه اقول انا كنت فين... انا في قبر حاولت اقوم واجري لكن... ايدي المره دي لمست حاجه ملمسها ناعم حاجه ادميه... حاجه لما ركزت كانت كفن ايوه كفن ولسه جديد معني كده انه في حد ولسه مدفون حالا..... الډم نشف في عروقي مش عارفه اخد قرار انا في قبر وقدام چثه.... اعمل ايه.... معرفش جبت الجرأه دي منين وقررت اني ازيح الكفن من علي وش الچثه.... وهنا كانت الصدمه الي حسيت بعدها ان الدنيا بتلف بيا... الچثه كانت چثه.. چثه ابويا ايوه وفي حاله يرسي لها... بوقه كان مفتوح علي الاخر.. وعينيه كمان... لسانه كان مقطوع... انا رجعت لورا من الصدمه مش قادره اتخيل منظر الچثه.... حطيت ايديا علي عينيا.... سمعت صوت