روح معلقه

مفيش الدنياكانت برد ومكنش عندي حل غير اني اتمشي...فضلت امشي لحد ماحسيت ان في حد ماشي ورايا 
بصيت ورايا لكن مفيش حد... كملت مشي سمعت صوت طقطقه سنان.. بصيت ورايا تاني وشوفته.. كائن بشع بعين واحده والتانيه متصفيه سنانه عامله زي الانياب.. اسود حالك... وفتح بوقه بطريقه مرعبه وطلعت منه صرخه... انا مقدرتش استحمل وفقدت الوعي... لما فوقت لقيت نفسي في المستشفى وعرفت ان شخص ابن حلال لقيني واقعه في الشارع ووصلني المستشفى... مسكت تليفوني الي كان عليه مكالمات كتير من اهلي.. اتصلت بيهم وحكتلهم وقولتلهم اني كويسه وهرجع دلوقتي... وفعلا قومت ومشيت من المستشفى ورجعت البيت... طبعا انا محكتش الي شوفته لاهلي انا قولتلهم انه جاني هبوط مش اكتر.... دخلت اوضتي عندي رغبه ملحه في النوم ونمت... وحلمت حلم غريب.. حلمت اني جوا مكان اشبه بقصر كبير مليان انتيكات كانت ماشيه وانا مسلوبه الاراده لحد ما وصلت لكرسي قاعد عليه نفس المخلوق الي قلي انتي ملكي دلوقتي خلاص محدش هيعرف يبعدك عني.... صحيت من النوم مفزوعه وخاېفه... لكني قولت دي اكيد تخيلات من ضغط الشغل.. قومت اكلت وقعدت قدام التلفزيون كتير وحسيت برغبه ملحه في النوم من تاني ونمت... محستش بنفسي غير وبابا وماما واقفين حواليا... سألتهم في اي..... انتوا ليه رابطني كده... قلولي الكلام الي كان صاډم بالنسبه ليا... قلولي اني كنت نايمه قدام التلفزيون ومن عاده بابا انه يشغل قرأن الصبح علي التلفزيون بيقول انه مسك الريموت وغير القناه وجاب قناه المجد للقرآن الكريم... ساعتها انا فوقت وفضلت اصړخ واكسر في كل حاجه حواليا... وفقدت الوعي وربطوني عشان خافوا افوق علي نفس الحاله... خلصوا كلامهم وانا مش مصدقه اني عملت كده ولا فاكره اصلا.. بابا قال مفيش حل غير الشيخ محفود ده راجل تقي وبركه وانا واثق ان الحل عنده.. قولتله حل لاي.. قلي دي واضحه زي الشمس انتي عليكي جن... دخلت في جدال معاهم لكنهم اصروا علي كلامهم.. وفعلا روحنا للشيخ محفوظ... وحكي بابا ليه كل حاجه.. الشيخ محفوظ قرب وحط ايده علي جبينه وغمض وفضل يتمتم بكلام مش مفهوم وبعدها فتح وقال اعوذ بالله من الشيطان الرجيم 
بابا رد وقاله في اي يا مولانا وكان كلام الشيخ صاډم ليا جدا لانه قال
...... 
الشيخ اتكلم وقال الي عليكي يبنتي ده جن عاشق اسمه خبيث من اقوي انواع الجن العاشق بس ده يبنتي بيجي مسلط دايما حد مسلطه عليكي... قولتله يعني اي مسلطه عليا قلي يعني حد عملك عمل يبنتي ولازم نعرف مين الي عمله عشان نعرف نتصرف ونفكه... قولتله وانا هعرفه ازاي..... قلي هنعرفه اكيد هنعرفه بس الموضوع محتاج شويه صبر..... ومشينا من عنده وبرغم انه قالي انا بعاني