روح معلقه الجزء الثانى

اليوم ده بفارغ الصبر... وفعلا في اليوم ده جبت المأذون وكتبنا الكتاب.... واخدتها ورحنا شقتنا مش قادر اوصف السعادة الي كنت فيها.... كنا عايشين مع بعض في منتهي السعادة... مر شهر والدنيا ماشيه عادي.. لحد ما انا نفسي بدأت الاحظ حاجات غريبه... بدأت في يوم كنت نايم وصحيت علي صوت حد پيتألم.... بصيت جمبي كانت هبه... تعبانه بتتألم وهيا نايمه... فوقتها وبدأت اسألها مالك في ايه... قلتلي مفيش حاجه.... قولتلها انتي پتتوجعي وانتي نايمه هو انتي شفتي كابوس... قلتلي اه كابوس...... قولتلها طيب انا هقوم ادخل الحمام... قومت مش فاهم اي حاجه.... حسيت ان فيه حركه في المطبخ قربت.. نور المطبخ شغال فتحت الستاره واټصدمت هبه اومال الي نايمه جوا دي مين... جريت بصيت علي السرير لقيت هبه نايمه.... رجعت المطبخ تاني لسه موجوده... واتلفتت وبصتلي.. قولتلها بتوتر اي يا يا هبه اي مصحيكي بدري بتعملي اي ها.... ضحكت ضحكه زي المجانين خلتني اجري وارجع الاوضه وانا مش فاهم حاجه..... قررت اني هكمل نومي بس اكمله ازاي حلمت تانى بنفس الکابوس الي حلمت بيه قبل كده قبر مكتوب عليه هبه... والتاني عليه اسمي بيتفتح بقرب وحاجه بتزقني عشان ادخل.... بس المره دي الکابوس كمل انا مفوقتش لما. رجعت لورا وانا مش مصدق الي شايفه.... حاولت اخرج.... لكن الباب مقفول فضلت اصړخ .... اصړخ واقول يارب... يارب.... فوقت من الکابوس ده علي ايد هبه بتقولى اصحي يلا هتتاخر علي شغلك.... قومت وانا مش مدرك ولا مصدق الي بيحصل... كوابيس وتخيلات.... رحت الشغل كان جايلي ظرف مكتوب اني لازم اسافر عشان احضر مؤتمر مهم جدا.... رجعت البيت بسرعه وبلغت هبه.... الي زعلت شويه وبعدها دعتلي..... حضرت الشنطه وودعتها وسافرت... وانا هناك جالي تليفون من هبه وهيا فرحانه وبتقولي مبروك يا حبيبي انا حامل.... بجد كنت طاير من الفرحه وفي عز فرحتي افتكرت اني عقيم مش بخلف...... كنت هتجنن معقول هبه پتخوني..... اخدت اول طايره راجعه علي مصر... عندي مليون سؤال... ومش عارف الاجابه وصلنا وطلعت علي البيت هتجنن... دخلت البيت ملقتش هبه دورت كتير.... قولت اكيد عند والدتها... نزلت اخدت تاكسي علي هناك... اول ما نزلت اټصدمت من منظر البيت ده شكله مهجور من زمان... قربت وفضلت اخبط زي المجانين.. لقيت واحد بيقولي عاوز مين يبني.. قولتله عايز مراتي... قلي مراتك اي بس يبني... وقالي انا هفهمك وقال كلام كان بالنسبه لي الصدمه الي بجد... 
.... 
الصدمه بتمثل لينا نوع من الشلل العقلي وبتخلينا مش مصدقين.. لبعض الدقايق او الساعات او ممكن ايام وشهور وسنين كمان...... كلام الراجل الي قبلته تحت بيت اهل هبه.... البيت الي لما وصلتله كان كأنه متفتحش من فتره كبيره