الشاب التائب

نزلت وقالت يابني ربنا ليه حكمة في كل حاجة كلنا نهايتنا واحدة ونهاية كل شخص القپر بس البداية والأحداث هي اللي بتخلي نهايتنا يا إما تكون نهاية جميلة مع ربنا يا إما نهاية كلها عڈاب وتخليص الحقوق اللي خدناها من الغير .. 
كلنا نهايتنا المۏت فحاول تخلي نهايتك كويسة ونضيفة إتغير عشان نفسك وعشان إخواتك ياعبدالرحمن وربنا يعلم إني راضية عليك 
ماما لا متروحيش دلوقتي أنا لسه محتاجك لسه مبقتش الشخص اللي يشرفك عشان خاطري خليكي كمان شوية طيب أسبوع واحد وروحي اسبوع واحد أشبع من حضنك .. 
إنتي مبترديش ليه هو أنا وحش للدرجادي .. معقولة مش عاوزة تكلميني حضنتها وصړخت بأعلى صوت قعدت أصرخ صړاخ متواصل وكأن الصړخة كانت بتقطع قلبي عشان تخرج بالقوة دي لاقيتها بتطبطب عليا والله إيديها إتحركت .. صدقني يادكتور أمي طبطبت عليا أنا مش عبيط أنا بتكلم بجد .. لاقيت الدكتور قرب مني وطبطب على كتفي وقال ما هي دي بتحصل يا أبني وده يدل على قوة رابط حب المېت ليك 
خدت كلمة مېت في صدري زلزلت كياني ووقفت قلبي وكسرت ضهري بقيت يتيم من كل ناحية حتى إخواتي بيكرهوني بسبب وساختي .. والفلوس الحړام اللي كنت بعمل المستحيل عشان أجيبها منقذتش أمي من المۏت .. شيلت كفنها ونعشها على كتفي دفنتها بإيدي وقفلت عليها بإحكام سيبت قلبي تحت التراب وجيت وكأني أنا اللي بقيت في الضلمة مش هي .. مر شهر والتاني وأنا وحيد مليش سند قربت من ربنا وثقل العالم على قلبي روحت المسجد صليت الفجر لاقيت نظرات تعجب من الناس اللي حواليا نظرات تحوي الإستخفاف ونظرات تانية فيها شفقة وقليل منهم اللي شوفت في عينه نظرة سعادة لرجوعي لربنا 
خلصت صلاتي وروحت جبت مصحف وبفتح المصحف عشوائي لاقيته على سورة التوبة قعدت أقرأ ومن صعوبة الآيات أنفجرت في البكاء لاقيت حد بيطبطب على كتفي ببص حواليا ملقيتش حد ذعرت وأصاب قلبي الخۏف فجأة لاقيت نسيم دافي داخل على قلبي زي المطر لما بينزل على حد في صحراء في يوم شديد الحر نفحات دخلت على روحي فقعدت كملت قراية لحد ما وصلت لسورة يوسف فضلت أقرأ لحد ما وصلت عند الآية دي رب قد آتيتني من الملك وعلمتني من تأويل الأحاديث ۚ فاطر السماوات والأرض أنت وليي في الدنيا والآخرة ۖ توفني مسلما وألحقني بالصالحين 
خلصت وخرجت من المسجد وفضلت أردد توفني مسلما وألحقني بالصالحين 
روحت البيت سيبت لأخواتي مبلغ وبعتهم عند خالتي وسافرت إسكندرية أدور على شغل نظرات الناس تعبتني كلامهم اللي بينزل على قلبي بيقسمه نصين بقيت كل ما أقول لحد يلا نصلي يقولي إنت آخر