طموح شاب

عرفناش نشتغل هنعمل إيه 
فكرت وقلت واحد فيكم هيعمل نفسه داخل الحمام ويتصل يقول إن مزرعة العجول بتاعتنا ڠرقت ولازم نمشي حالا ونخلع بسرعة .
وصلنا والناس وسعت لنا الطريق والكل منبهر بمنظرنا ومشيتنا وأول لما وصلنا للعجل كنت هقع من طولي العجل عامل زي الفيل ضخم جدا وتحس إنه من نوعية العجول بتاعة مصارعة التيران لفيت تاني وجيت أرجع لقيت صاحب العجل واقف حاجة إيه هضبة ما شاء الله عليه شنبات ولا جريد النخل . بلعت ريقي وبصيت على العجل لقيته بيبص لي وبيقول بأعلى صوته هاااااااع هاااااااااع ومربوط بسلسلة في الحيطة وعليه قرون ولا سن الفيل رحت لافف ولاسع حنفي كف وقلت بأعلى صوتي فين ياض ال ..وما بقيت عارف أقول إيه فكملت فين 
البرامبرامين . الناس بصت باستغراب وحنفي جز على أسنانه وبصراحة خۏفت لأن حنفي بيخزن وهيردها لي في أي وقت فقال شكلي نسيته يا معلم .
قاطعني صاحب العجل وقال بصوت غليظ جدا يلا بقا يا معلم خلينا نخلص لأن الطباخين مستنيينك تخلص .
دخلت على العجل وبدأت أتكلم معاه وأقول له بصوت واطي معلش يا عجل هيتعمل عليك شوربة فخليك حلو كدا واسمع الكلام خلينا ندبحك بسرعة وساعد تلت شباب زي الفل لو اتمسكوا هنا هيكلوا ضړب ما كلوش حمار في مطلع .
شاورت لعبدالفتاح وحنفي يمسكوا العجل من راسه كويس وأنا دخلت على العجل أربط رجليه فراح ناطط وخبطني برجله في بطني اتكومت على الأرض فوقت والناس بترش عليا مياه قمت وقلت لهم معلش يا جماعة شكلي ما فطرتش كويس 
لتكمله باقي القصه في أول تعليق