طموح شاب

من أسبوعين سمعت من جزار قريبي إن عيد الأضحى بيكون فيه شغل كتير جدا للجزارين ومكسب كويس . الفكرة شعشعت في دماغي وافتكرت محمود حنفي صاحبي ومحمد عبدالفتاح .
كلمتهم ناخد الطلعة دي ونلم شوية فلوس حلوين وقالوا لي صعب يتعلموا الجزارة في الأسبوعين دول وخصوصا كمان إن مش معانا عدة جزار .
ضحكت كدا وقلت لهم عييييب عليكم يا رجالة أقول لكم فكرة وما أكون مظبط لها كل حاجة إحنا هنلم من بعضنا كل واحد ألف جنيه ونشتري عدة واللي مش معاه يستلف وهيردهم تاني يوم لأننا هنشتغل بيهم وناخد أجرنا ونبيعهم بعد العيد بأقل من تمنهم شوية عادي ولكن كل واحد هيطلع له على كلام قريبي شاكب راكب حوالي عشر تلاف جنيه .
بس أهم حاجة تسمعوا كلامي وأنا هبدأ أشوف فيدوهات عالنت للجزارة ولازم نلبس لبس يبين إننا جزارين مأصلين وننشر على جروب البلد والبلاد اللي حوالينا إننا مستعدين ندبح قبل العيد لأي حد وبنص التمن لأن فيه ناس بتدبح قبل العيد لأفراح أو عقيقة أو غيره منها نتدرب ومنها إننا نكون براحتنا قبل ضغط الأضاحي بدأت أشوف فيديوهات عالنت ونشرنا فعلا وجه ليا اتصال من واحد في بلد جنبنا عايز جزار عشان عجل عنده قلت له تحت أمرك جايين لك بكره في الميعاد بالليل أنا والصبيان بتوعي .
تاني يوم لبست لبس شبه بوحه ولبست محمود ومحمد جلابيتين وحزام فوقهم وأخدنا العدة وروحنا للراجل .
وصلنا وأنا في دماغي إننا هنكون لوحدنا ويادوب واحد أو اتنين هيساعدونا والعجل أكيد صغير لأنه ل عزومة . 
وصلنا لقيت العيلة كلها موجودة ومتجمعين والعجل واقف في النص وفي الشارع .
قلت في نفسي يا حزن الحزن دا إحنا هنتفضح لو ما عرفناش ندبح والغلطة ب فورة زي ما بيقولوا بصيت لأصحابي وقلت لهم ننشف كدا وما تقلقوش ولما أضرب حد فيكم ما يزعلش لأني همثل إني المعلم ولما ألاقيني لايص هتخانق مع أي واحد فيكم ونلهي الناس شوية .
حنفي قال لي طب لو قفلت معانا وما