استدراج للهاويه
مني صورة عشان يعملوا حاجة اسمها تحليل شخصية عشان يقرروا العلاج المناسب ليا..
نسيت اقولكم انهم كانوا اساتذة في الكلام المنمق والمصطلحات اللي تبهر العقول بعتلهم صورة قديمة ليا وبعد صمت لدقيقة كاملة طلبوا مني صورة أوضح وياريت لو كانت صورة دلوقتي..
كنت لابسة لبس البيت استأذنت اني البس واصور نفسي وابعتلهم وبعتلهم صورة جديدة لقيته رادد بعلامة تعجب ولقيته بيقولي لفظا ربنا يستر
رديت وحاولت استفهم بس سابني متعلقة أكتر من ساعتين القلق بينهش فيا وفي النهاية بعتلي اسكرين شوت مكتوب فيا الرسالة دي
الحالة دي معاها مس عاشق من زمان ولازم تتعالج منه والا ممكن ټقتل اولادها في ساعة ڠضب
كلامه كان زي الكهربا مخيف أوي اترعشت سألته يعني ايه مس عاشق قالي اني ممسوسة من الجن وبدأ يسألني عن كوابيس أو أحلام معينة في حياتي انا كنت متوترة خاېفة جدا حتى انه أوهمني بطريقة ما اني بشوف حلم بحاجات مش كويسه وقالي ان داه بسب المس العاشق اللي معايا ولو متعالجتش صح بيتي حيتدمر وولادي حيتأذو بسبي
كل حاجة اسودت قدام عنيا وقتها طلب رقمي للتواصل واتكلمنا كان شاب تقريبا حكينا كتير وفي النهاية قرر انه يساعدني وينزل القاهرة يعملي جلسة علاج في أسرع وقت كان مسيطر عليا سيطرة تامة وبقيت شايفة الدنيا كلها سودة والنجاة تتمثل في الشخص ده..
وبعد أيام كلمني وقال انه هينزل القاهرة بس هيحتاج مبلغ من المال هنتفق عليه لأنه هيجيب معالج معاه وافقت فورا بدون أي جدال وبعد تلت ساعات وصلوا شقتي دخلت اولادي جوة واستقبلتهم شاب شكله عادي بس التاني كان مريب مخيف اوي..
اتوقعت يجي شيخ ملتحي او راجل كبير انما انا كان قدامي شخص وكأنه حشاش شاب متسول تشوف في عنيه شړ الدنيا كله ولما اتوترت وكلمته ان هل هو ده الشيخ رد عليا بقسۏة وقالي
وهو احنا جايين ننصب عليكي
تمالكت نفسي وبدأ يحكيلي عن حالة هو عالجها واتفقت معاهم على مبلغ ما وموفتش بوعدها وانها شافت الويل كأنه بيوصل ليا رسالة خفية اني لازم أدفع لازم مهما كان وبعدها الشخص الغريب ده بدأ يتمتم بكلام كتير عشان في النهاية يقولي ان معايا حاجة اسمها خدمة والحاجة دي معايا من وانا صغيرة وكمان معايا مس عاشق من واحدة وهي اللي مسببالي كل الكرب والضغط ده في حياتي..
