استدراج للهاويه

أسوأ حاجة ممكن تخرب البيوت وتدمر المجتمعات هي السوشيال ميديا بلا منازع انفتاح الف ثقافة وثقافة على بعض خلى بعض الناس يعيشوا زي المسوخ بلا هوية بيجروا ورا الثقافة اللي ترضي غرايزهم وهما مستترين عن عيون مجتمعاتهم مدعية الفضيلة السوشيال ميديا اللي عملنا بسببها كل حاجة غلط ومعملناش للأسف منها حاجة صح وللأسف هقولها وانا واحد ست ان كتير من الستات هما اللي بيستخدموا الميديا بطرق مدمرة مندفعين بعواطفهم دايما..
وانا ست واخترت انشر حياتي الخاصة على السوشيال ميديا وقد كانت الکاړثة كل اللي اقدر اقوله اني فجأة وبدون اي مقدمات اصبت ببلادة غريبة وبقا عندي لا مبالاة من كل حاجة تقريبا حتى أولادي مبقتش أديهم أي اهتمام او رعاية كأنهم كائنات غير مرئية بالنسبالي وجوزي مسافر وبيجيلي شهر واحد كل سنة للأسف هو ايوة بيبعت فلوس تكفيني وزيادة كمان بس انا من كتر الضغط النفسي حسيت اني اتكسرت وان طاقتي خلصت خلاص ومبقتش قادرة حتى أعمل للعيال فطار الصبح..
حالة غريبة وصلتني اني انام يوميا طول النهار وشقتي مكركبة والعيال جعانين عادي جدا لحد ما تابعت جروب من جروبات الفضفضة والدعم النفسي وكان شيء أمان جدا ان الشخص ينشر بوست ويحكي عن أي حاجة في حياته والناس تقدمله الدعم في التعليقات وانا للأسف في لحظة يأس كتبت بوست على الجروب وقولت الآتي
انا في حالة نفسية سيئة جدا انا سايبة عيالي ومهملة فيهم جدا وقافلة حياتي على نفسي ومبتكلمش مع حد خالص جوزي مسافر وده سبب لمعاناة أكبر كمان
وبعد ساعة اتوافق على البوست وانهالت التعليقات عليا كلها دعم ودعوات ونصايح جميلة لدرجة اني اتبسطت جدا اني نشرت معاناتي وخصوصياتي على الميديا وفي خلال نصف ساعة نفس الحملان الوديعة دول اتحولوا لذئاب مفترسة ودخلوا على الخاص..
اللي يقولي انا حاسس بيكي واللي يقولي انا هساعدك واللي واللي واللي لحد ما جتلي رسالة من صفحة بتقول الآتي
احنا ممكن نساعدك ونقدملك الدعم النفسي والعلاج الصحيح كمان
دخلت على الصفحة لقيتها صفحة دعم نفسي واستشارات دينية ونفسية بصراحة ارتحت جدا واطمنت من كلامهم ورديت على رسالتهم طبعا الكلام في البداية كان كله رسمي وحضرتك واتفضلي كل اللي طلبوه اني اعبر عن اللي جوايا وان دي مشاعر انسانية ومن حقي اخرجها والست ټموت في الوهم لما حد يوهمها انه حاسس بيها..
وحكيت حكيت كل حاجة ومع طول الكلام زادرت الثقة وبدأت أحكي حاجات خاصة كمان سألوني عن عمري وبعدها طلبوا