أغرب جاسوس في مصر
الجاسوس دا لما قبضت عليه المخابرات المصرية.. قال لهم أغرب جملة ممكن يقولها جاسوس في التاريخ.
خليني احكي لك قصته.. لأنه مش جاسوس عادي.
مكانش بيقعد في أماكن عامة يتنصت على الناس.. ولا هو جاسوس عسكري.. او علمي او اقتصادي.
الجاسوس دا اخترق أعلى مؤسسة سيادية.. في مصر كلها.
مؤسسة الرئاسة.
وكان مصدره في المعلومات اللي بيرسل لها للعدو هو الرئيس.
رئيس الجمهورية شخصيا.
اسمه علي خليل العطفي.. وكان خبير العلاج الطبيعي والمدلك الخاص للرئيس الراحل محمد أنور السادات رحمه الله.
وبدايات العطفي كانت عادية للغاية.. اتولد في حي السيدة زينب سنة ١٩٢٢ وحصل على الشهادة الإعدادية.. وترك التعليم واشتغل صبي في محل بقالة ومنه إلى صبي في صيدلية.
واثناء شغله في الصيدلية.. استعان به أحد الزبائن من كبار السن لتدليك ركبته.. ونفحه بقشيش كبير.
وقرر العطفي انه يحترف مهنة المدلك.
على الفور انتقل يشتغل صبي لمدلك أجنبي في مركزه الخاص.. ومع ثورة يوليو.. رحل أجانب كتير عن مصر خاصة اليهود.. ولقى نفسه فجأة بيملك المركز بما فيه.. مجانا.
وبدأ العطفي يشتغل.. وراج شغله جدا.. وكترت زباينه.
وانتفخت محفظته بالنقود بعدما كان بيلاقي بالكاد قوت يومه.. وبعدين فتحت الدولة الباب بمعاهد التربية الرياضية لدراسة العلاج الطبيعي.. فانضم لأحداها على الفور.
وبقى العطفي بيلقب نفسه بلقب دكتور.. وخبير علاج طبيعي.. وبعتت الدولة مجموعة من الطلبة دول لدراسة العلاج الطبيعي بالخارج.
وكان العطفي واحد منهم.. وخرج في بعثة للولايات المتحدة.
وهناك.. قضى وقت المنحة في الهلس ومانجحش.
ورجع العطفي بلا شهادة عليا زي ما راح.. لكنه فضل يقول للناس انه حصل على الدكتوراة في العلاج الطبيعي.. ودا خلا زباينه تبقى من طبقة خاصة.
الفنانين ورجال المال والسياسة.
وبيكون العطفي شبكة علاقات كبيرة وقوية للغاية.. لدرجة انه كان صديق شخصي للسيد كمال حسن رئيس المخابرات المصرية الأسبق.. ورجل الاعمال عثمان أحمد عثمان صهر الرئيس السادات نفسه ونجم الأهلي ومدرب المنتخب عبده صالح الۏحش.. وغيرهم.
وبيشتغل مركز العطفي أكثر.. وبيصبح المعالج الطبيعي للفريق الاول للنادي الاهلي المصري.. وبيشغل خبراء حقيقيين في مركزه الطبي.. لدرجة انه بيبطل يروح على نحو منتظم.. إلا لجني أرباحه.
وفي مرة بيسافر العطفي لهولندا للاستجمام.. وهناك.. بيعمل أغرب حاجة ممكن تتخيلها من شخص ميسور شهير تعامله الحياة جيدا.
عمل حاجة مالهاش أي مبرر.
بيتوجه للسفارة الصهيونية ... ويعرض عليهم خدماته كجاسوس.
وبيرحبوا به في حرارة وحذر.. ويقولوا له انهم حيتصلوا به.
وبالفعل بيتواصل معاه رجال في أمستردام.. وبيشغلوه..
وبيطلبوا منه بعض المعلومات البسيطة.. حول الرأي العام.. بيجيبها بالفعل بدقة وإخلاص.. فبيستدعوه لأمستردام.. ويبدأوا في تدريبه.
كان الهدف ان العطفي يكون شبكة جاسوسة.. يخترق بيها الوسط الطبي والأكاديمي المصري.. ودربوه على دا فعلا وعلى الإرسال والاستقبال اللاسلكي.. وتصوير المستندات بكاميرا دقيقة صغيرة.. والحبر السري.
وفي يوم بيطلب العطفي من إيلي طلب خاص.
بيطلب منه في تردد وخجل.. أنهم يشوفوا له اي جامعة تمنحه شهادة عليا بلا دراسة.. لانه فعليا لحد دلوقتي.. معاه بس الإعدادية.
وطلبه دا بيطرق جرس في ذهن إيلي.
وبتبزغ في عقله خطة جديدة.
وعلى الفور بيسفروه للولايات المتحدة. وبيرجع من هناك حامل لشهادة دكتوراة في العلاج الطبيعي... بتاريخ سفريته الأولى.. بعد أيام...
كمان بيخلوه يختار عروسة هولندية.. عشان يغطي بها سفرياته من وإلى أمستردام طوال الوقت. وبيجوزوهاله.. ويتكفلوا بكل المصاريف.
وهنا بيفصح إيليعن فكرته.
السادات دايما بيحب يكون في طاقمه الطبي مدلك خاص.
ليه ميبقاش المدلك دا هو رجلهم
العطفي
وبيرجع العطفي لمصر.. اللي كانت بتفتتح اول معهد مستقل للعلاج الطبيعي...
وبعلاقاته.. بيبقى العطفي أول عميد للمعهد.
وبيتصدر اسمه الصحف والمحلات.
ففي يوم في مكتبه.. بيزوره رجل ذو رتبة كبيرة.. من رئاسة الجمهورية المصرية.. وبيخبره ان الرئيس السادات عايز يقابله.
وبيجتاز العطفي المقابلة.
وبيشتغل كمدلك شخصي للرئيس.
الخطة نجحت.
نجاح ساحق.
وبيبدأ العطفي أثناء تدليك السادات يستمع لتعليماته لرجاله.. ويستمع للمكالمات الهاتفية العاجلة اللي بتجيله.. ويستمع للحوارات اللي بتدور حوله في القصر من كبار رجال الدولة والقادة.. ويحفظ كل دا زي اسمه.. ويكتبه بالحبر السري..
وبيتحرك بحرية تامة.. ببطاقة عمله في مؤسسة الرئاسة.. ويعدي بحقائب رسائل الحبر السري وأفلام الكاميرا والأسرار من الأكمنة ورجال الشرطة بسيارته في لامبالاة تامة.. وهو رايح يلقي خطابات في صناديق بريد محددة.. في مدن مصر المختلفة.
ومين حيفتش المعالج الشخصي لرئيس الجمهورية
لتكمله باقي القصه في أول تعليق
