قصه وعبره
سواق اوبر بيحكي
عايز احكي موقف حصل معايا امبارح ..كنت في منطقه المرج وطبعا ذي ما انتم عارفين المرج زحمه ومدغدغه ..جالي ريكوست ولقيت العميل بيتصل بيا بيقولي معلش بعد اذنك ممكن تجيلي لحد باب البيت.. انا عادة مبخشش حواري ولما بلاقي العميل جوه حاره بخليه ينزل ع اول الشارع ومخشش.. مش عارف ايه اللي خلاني اسكت ومتكلمش ومقولش غير كلمه حاضر يافندم.. وفعلا روحت للعميل جوه حاره البلكونات بتخبط في مرايات العربيه.. المهم العميل نزل فتح الباب اللي ورايا ودخل طفل صغير.. وهو جه جنبي ..بفتح الرحله لقتها ع مستشفي ٥٧٣٥٧..فقولت بيني وبين نفسي الحمد لله اني مقولتلوش تعلالي ع الشارع ..المهم هو اعتذرلي انه دخلني الشارع وقالي معلش اصل الولد كان واخد جلسه كيماوي امبارح ومش هيقدر يمشي لحد بره.. فقولت له ولا يهمك دا انا لو اعرف اطلع اجيبه من ع السرير والله لاعملها.. وقعدنا طول السكه ندردش لحد ماوصلنا امام المستشفي.. فقولتله الرحله دي هديه مني ليك ..قعد يحلف وصمم اني اخد تمن الرحله.. ياعم يهديك يرضيك ابدا.. المهم نهيت الرحله وحسابه طلع ٧٠جنيه.. راح مطلعلي ٢٠٠جنيه صحيحه وادهاني ..فقلتله والله انا مش معايا فكه خلاص خليها معاك وانت مروح رن عليا اجي اخدك ارجعك وابقي احاسبك ..المهم حلف اني ممشيش غير لما يحاسبني وقالي انا هنزل افك ..خلي الولد معاك وانا هاروح افك الفلوس.. نزل من العربيه راح لبتوع اللعب اللي بيقفوا قدام المستشفي يسألهم علي فكه قالوا له مفيش ..المهم بيسال الناس اللي قدام المستشفي اللي داخلين قالوا له معناش.. كان في تاكسي معدي الناحيه التانيه من المستشفي.. فراح الراجل مشاورله و قاله معاك فكه يا اسطي.. قاله ايوه.. يادوبك الراجل اداله الفلوس من هنا والاسطي داس بنزين وجري بالفلوس.. وانا قاعد في العربيه شايف المشهد ومش عارف لو حاولت اجري ورا العربيه الولد موجود معايا وساعتها ابوه هيتخض عليه.. وحتي لو جريت عقبال ما الف واكون في نفس اتجاه التاكسي هيكون هو طاااار ..والراجل واقف مصډوم ع الرصيف مش عارف يعمل ايه.. لقيته مره واحده واقف ع الرصيف وبيقول بصوت عالي ياااارب مش كفايا كده انا فيا اللي مكفيني.. يااااارب انا معنديش طاقه لكل ده.. وقعد مكان ماهو واقف ع الرصيف وحاطط ايده ع دماغه وبيبكي.. وانا ده كله قاعد في العربيه مصډوم ..روحت نازل من العربيه بحاول اخد بخاطره.. واقوله خلاص يابو موسي الحمد لله انها جت في الفلوس.. رد علي وقالي ياابراهيم صدقني دي اخر ٢٠٠جنيه معايا قلت ادفع المواصلات رايح جاي واجيب لعبه للواد انسيه الۏجع اللي هو فيه.. طبعا الناس اتلمت وخلاص ياراجل متزعلش والكلام اللي احنا عارفينه ده ..ومره واحده عربيه جيب شروكي كانت واقفه جنب المستشفي وتقريبا صاحب العربيه شاف الموقف.. العربيه وقفت عندنا وصاحبها نزل وحط كبشه فلوس في جيب عم ابو موسي وركب العربيه ومشي ..ولا حتي قال كلمه ..كلنا وقفنا مستغربين من الموقف ولقيت ابو موسي بيقولي هو مين ده انت تعرفه.. قلتله لا.. بس ع العموم اهه ربك رزق.. قوم تعالي بقي ياعم نقعد في العربيه ونقسم الفلوس سوا ع سبيل الهزار يعني.. قام معايا عم ابو موسي ودخلنا العربيه وطلع الفلوس وفضل يعد طلعوا كام؟؟ ٢٥٠٠جنيه.. بص للفلوس كده وقعد يعيط اكتر من الأول …
لتكمله باقي القصه في أول تعليق
