حدث بالفعل

#قصه_واقعيه..

كنت سامعهم حواليا بيقولوا لا اله الا الله.  وحسيت اني بتحط علي الارض براحه وناس واقفه تقول بسم الله وعلي ملة رسول الله بسم الله وعلي ملة رسول الله ..

الصوت كان بيخرم وداني وانا زي اللي بيحلم مستني اقوم او اقع علي الارض عايز اصړخ واقول انا صاحي متدفنونيش 
هو ايه اللي حصل !!! 
انا اخر حاجه فاكرها اني تعبت شويه في القهوة ايوة كنت عامل في قهوة في عابدين بصحي بعد الفجر وبروح من بيتي لهناك وبشغل البراد الكبير وبرص الكراسي وبجهز الكوبايات وبفطر علشان استني الزباين.
ده اللي انا اتعودت عليه من صغري عشان اقدر بس اجوز اخواتي البنات اللي ابويا ماټ وسابهم متعلقين في رقبتي  بس الحمد لله قدرت اجوزهم واسترهم كل واحده منهم في بيتها وامي بقت تقولي يابني انت لسه مش عايز تتجوز !!؟

ليه بس يا امي انتي زهقتي مني !!
لا ابدا بس عايزة افرح بيك واطمن عليك قبل ما اموت 
انت جوزت اخواتك وانا عايزة اشوف عوضك حواليا بيجروا وبيلعبوا ...
ياست الكل ايدي علي كتفك شوفي بنت الحلال اللي تناسبك 
ايوة كده يابني فرح قلبي أنا عارفه ليك حته عروسه زي القمر وبنت حلال وعلي قد حالهم زينا

فعلا اتقدمت ليهم واتوافق عليا وكنت بحوش عشان ابيض البيت بتاع امي وهاسكن معاها والعروسه كانت موافقه

في يوم وقعت وانا في القهوة تعبت شويه واغمي عليا والمعلم والناس ودوني المستشفي والدكاتره قالولي لازم ترتاح انت مجهد وعندك انيميا، قلت لصاحب القهوة انا بستاذنك بس ارتاح النهارده وبكره في البيت ..

بص يا بني انا بعزك وبامنك علي القهوة وانت لازم ترتاح انا هاديلك اجازة النهارده وبكره بس وبعد بكره لازم تيجي تفتح  بدري  ..

حاضر وتشكر يا معلم ..
روحت البيت وامي عرفت وكانت قلقانه عليا وقالت انت جعان وياما قلتلك متنساش نفسك وكل  بس انت مهمل في اكلك يابني 
اغرفلك تاكل يا حسين !!؟
قلتلها ماشي.   اليوم ده انا اكلت كتير اوي اوي وامي كانت بتبص ليا وبتقولي اغرفلك تاني !!؟
قلتلها انا شبعت انا هادخل انام شويه ..

دخلت نمت وزي ماتكون كانت اخر نومه ليا نمت ومحسيتش بنفسي خالص، وكنت سامع امي بتقرب مني وبتهز فيا وبتنادي ياحسين ماتصحي يابني انت نايم من امبارح العصر واحنا بقينا العصر تاني يوم اهو ، اصحي انت كل ده ومجوعتش لسه اصحي خليك تاكل ..

امي صړخت وعلي صړختها  الجيران اتلمت وبقوا يهزوا فيا عشان افوق او اتحرك بس خلاص واحد منهم قال السر الالهي طلع وحتصل بالاسعاف هاتيجي تاخده

ودوني المستشفي وهناك الدكتور كشف عليا وقال ده مېت من بليل شكله اكل اكله تقيله وكبست علي نفسه وماټ لازم اطلع له تصريح دفنه

طلع التصريح واخدوني للبيت غسلوني كنت حاسس بكل حاجه وعايز اصړخ واقول انا صاحي انا مموتش بس محدش كان سامعني

لما وصلوا للقبر حطوني وقفلوا عليا ..
معرفش انا ايه اللي حصل حسيت اني بفتح عنيا بس ايه ده انا ايديا مش قادر احركها خالص زي متكون مربوطه بحبال

حاولت افكها ونفسي كان مكتوم …

لتكمله باقي القصه في أول تعليق 👇 👇 👇 👇 👇