مزرعه الشيطان

عمال انادى عليه مبيردش نهائى قولت اخش اشوفه 
دخلت المزرعه وعمال انادى ما بين الزرع محدش بيرد 
المزرعه كانت مرعبه فى الظلام ما بين ضوء القمر 
ده يخوف اكتر فضلت ماشى فى المزرعه لغايه ما لقيت

و يارتنى ما لقيت ....

لقيت شخص قاعد مربع رجليه و مبتسم ابتسامه عريضه جدا واصله لغايه فوق مبين سنانه الحاده مش طبيعيه خالص عنيه بيضه تماما قاعد ساكت مبيعملش غير حاجه واحده بس ....

كان بيسقفلى ايوه بيسقفلى ببطئ شديد جدا

كان مرعب مخيف دقات قلبى بتعلى مبقتش عارف اعمل ايه مش عارف اجرى ولا اصوت

وفجأه لقيت صوت ابويا بينادى عليا :

يا ناااجى   يا ناااااجى

انتبهت لصوت ابويا بصيت نحيه الصوت ملقتش ابويا 
ولما رجعت بصيت عليه تانى ملقتهوش ....
ايه ده راح فييين ..

سمعت صوت ابويا تانى ورايا ولما بصيت ورايا عشان اقوله انا هنااا يا ابوووويا

لقيته تانى بس المره دى كان واقف وشه فى وشى و باردو كان مبتسم.. اټرعبت اټفزعت صړخت اوى 
و جريت مش عارف بجرى لفين لغايه ما لقيت نفسى برا المزرعه ادام البيت و عمال انادى ابووويا ابوويا

ابويا مش بيرد دخلت على اوضه ابويا عشان مالقيش حد فى الاوضه يعنى اييه ابووويا راح فين

فضلت قاعد ادام البيت على امل ان ابويا يرجع تانى 
بس مرجعش بس النوم غلبنى و نمت مكانى

صحيت على صوت جارى عم ايمن و هو بيقولى انت قاعد هنا ليه يا نااجى

* ابويا يا عم ايمن ابوويا دخل المزرعه امبارح بليل و مرجعش لغايه دلوقتى

- و ايه اللى ډخله المزرعه بليل هو مش عارف ايه اللى بيحصل جوه وامك فين يا ناجى

* امى بايته عند خالتى و بعدين ايه حكايه المزرعه دى يا عم ايمن وليه مش بنخش بليل

- دى حكايه ابوك عارفها و المفروض انو يقولك الحكايه بس رد ابوك دايما عليا ان الواد لسه صغير

* ابويا راح فين يا عم ايمن

- ابوك دلوقتى يا ناجى موجود فى مكان احنا مش عارفينه ولا هنعرف ندخلو

* يعنى ايه يا عم ايمن يعنى مش هشوف ابويا تانى

- لاسف لا يا ناجى

* وفين المكان ده يا عم ايمن

- ياريت متعرفهوش عشان لو عرفت اسمه لوحده بس هيكون سبب فى هلاكك

* انا مش مصدق الكلام ده يا عم ايمن

- انا عايزك تهدى خالص و تعالى معايا البيت اعرفك الحكايه

لما روحت البيت مع عم ايمن لقيته بيقولى :

* بص يا نااجى المزرعه دى احنا حرقناها كذه مره و تانى يوم بنلاقيها حيه ولا اكننا عملنا حاجه

- وليه بتعملو كده يا عم ايمن

* المزرعه دى اسمها مزرعه الشيطان من عالم اخر و فى ناس بتقول انها بوابه للچحيم بوابه تنزل منها لاسفل ارض

- و حلها ايه يا عم ايمن

* حلها ان احنا نبعد عنها بليل و تشتغل على قد ما تقدر فى النهار عشان هى بليل بتبقى حاجه تانيه خالص 
او الاحسن انك تبعد عنها خالص 
بص يبنى مهما حد نادى عليك حتى لو ابوك متروحش المزرعه عشان ده مش ابوك يا ناجى

خلصت كلامى مع عم ايمن و قاعد فى اوضى
الليل دخل عليا بقيت سامع صوت ابويا فى المزرعه بينادى عليا ايوه بينادى عليا و سامعه كويس و هو بيقولى :

يا ناااجى انت فين يا ناااجى

كل يوم على هذا الحال و بقيت بأنب نفسى انى السبب فى مۏت ابوويا لحد ما قررت انى اعيش برا بعد وفاه امى بحاول اهرب من الذكريات دى بحاول اهرب منها على قد ما اقدر عدت الايام و السنين و الذكريات وصوت ابويا اللى مش بيفارقنى  بيطاردنى

و لما عيشت برا و بقى عندى 38 سنه اتجوزت وعندى طفلين بس دى مش المشكله 
المشكله انى جاتلى رساله وانى الوريث الوحيد للمزرعه 
ايوه انا اللى الوريث الوحيد بس انا مش عاوزها

مش عاوز الورث ده .. مش عاوزه عارفين لييه

...........  عشان الرساله جاتلى من ابويا  ........... تمت