مزرعه الشيطان
عمرك شوفت حد مش عاوز ياخد حقه من الورث
ايوه انا .... انا اللى مش عاوز اخد حاجه من الورث ولا عايز اشوف حاجه منها
ليه ........
هقولك ليه كنت طول عمرى عايش فى الارياف من وانا صغير كنت شغال مع ابويا الله يرحمه فى المزرعه
ابويا اتوفى وانا عندى 18 سنه اما دلوقتى اممم 38 سنه كبرت مش كده بس ده مش موضوعنا
لما كنت شغال مع ابويا فى المزرعه كان دايما بيقولى يا ناجى قبل ما يجى المغرب تكون خلصت شغلك ولو مخلستهوش كمل بكره عادى مش مشكله اهم حاجه ميجيش عليك الليل وانت فى المزرعه
كنت دايما مستغرب من كلام ابويا و كل ما اسألو يقولى اسمع الكلام و خلاص يا ناجى
مش عارف ايه السبب جالى فضول مش فاهم يعنى ايه لما يجى عليا الليل امشى و اسيب المزرعه اجبارى
كان البيت ادام المزرعه علطول كنت شايف المزرعه بليل كويس شكلها فعلا مخيفه و مرعبه
جيت فى يوم جالى فضول عاوز اخش المزرعه مستنى ابويا ينام عشان اخش المزرعه
استنيت حوالى ساعتين من بعد العشا دخلت على اوضه ابويا لقيته نايم قولت اهى فرصه وان كمان امى مش موجوده وانا خارج قبل ما اطلع بصيت على المزرعه لقيت واحد واقف ادام المزرعه مبيعملش حاجه
واقف بيتفرج ساكت مش عارف ده مين وبيعمل ايه هنا بس الهدوء للمكان والشخص نفسه مرعب فى حد ذاته
قفلت الشباك من رعبى و قولت استنى شويه لما يمشى
المفروض انى اطلع اشوف مين ده بس انا مړعوپ
عدى حوالى ساعه قولت اشوفه يمكن مشى
و الصدمه انى لقيته لسه واقف مكانه ملهوش ملامح خالص... شجعت نفسى و قولت اطلع اشوفه
ولما فتحت الباب لسه هتكلم لقيته بيتحرك ببطئ ودخل المزرعه و مبانش من كتر الزرع
عمال انادى عليه مبيردش نهائى قولت اخش اشوفه
دخلت المزرعه وعمال انادى ما بين الزرع محدش بيرد
المزرعه كانت مرعبه فى الظلام ما بين ضوء القمر
ده يخوف اكتر فضلت ماشى فى المزرعه لغايه ما لقيت
و يارتنى ما لقيت ....
لقيت شخص قاعد مربع رجليه و مبتسم ابتسامه عريضه جدا واصله لغايه فوق مبين سنانه الحاده مش طبيعيه خالص عنيه بيضه تماما قاعد ساكت مبيعملش غير حاجه واحده بس ....
كان بيسقفلى ايوه بيسقفلى ببطئ شديد جدا
كان مرعب مخيف دقات قلبى بتعلى مبقتش عارف اعمل ايه مش عارف اجرى ولا اصوت
وفجأه لقيت صوت ابويا بينادى عليا :
يا ناااجى يا ناااااجى
انتبهت لصوت ابويا بصيت نحيه الصوت ملقتش ابويا
ولما رجعت بصيت عليه تانى ملقتهوش ....
ايه ده راح فييين …
لتكمله باقي القصه في أول تعليق 👇 👇 👇 👇 👇
