أمراه بمائه رجل

أول قلم خدته في حياتي كان بسبب اني عاوز استغل الناس ..

فى سنة من السنين المطر غرق كل الاراضي اللي جنبنا عشان واطيه في المنسوب من ارضنا ،  زرعهم باظ ومبقاش غير زرعنا اللي سليم لحكمه انا مكنتش اعرفها  ..
مكنش حد بيجمع محصوله غيرنا والمفروض اننا نفرش في السوق فكنت مبسوط جدا وقولت لامي :
احنا هنبيع على مزاجنا واللي مش عاجبه ميشتريش مفيش حد في البلد عنده اللي عندنا ..
ضربتنى بالقلم وكشت فيا كشه عمرها منساها وقالت :

انت بتقول ايه عاوز تستغل الناس !! انت لو ابن حرام مكنتش هتقول كده !! كنت فكراك راجل و هتتصرف زي الرجالة ..

وجمعت المحصول بتاعنا من فلفل وبتنجان وحملته علي العربيه الكارو ومطلعتش على السوق لفت على كل بيت تديله شنطة  فلفل وبتنجان وتقوله :
ربنا يعوض عليك...  ربنا واحد وأرضنا واحدة ..

انا يومها كنت خاېف اسألها هو انا انضربت ليه وليه تضيعي تعبنا كده من غير فلوس لان امي كانت شخصيتها قوية كانت ست بمېت راجل …