صفاء النوايا

أعرف واحد قريبنا كان متجوز مراته عن حب بس ربنا كتبلها إنها متخلفش! 
حاول معاها وصبر عشانها ولكن الدكاترة قالولها كدا بالنص: 
" لو العجوز خلّفت إنتي مش هتخلفي! "

وهنا كانت السکينة اللي بترت قلبها وقسمت روحها نصين. 
واللهم بارك زوجها عنده محلات ملابس كبيرة جدًا وفي يوم بنت منتقبة جات اشتغلت عنده، وكانت مُطلقة ومعاها بنت وولد من طليقها وكان سايب مسئوليتهم عليها. 
وعشان كدا نزلت اشتغلت وبقت تمشي من محل لمحل بسبب التطاول اللي بتشوفه من أصحاب المحلات، وبقت تدعي ربنا إنها تلاقي مكان كويس لحد ما راحت للشخص ده.
اشتغلت عنده فترة طويلة وكانت مركزة جدًا في شغلها ولما ولادها كانوا بيجوا من المدرسة كانوا بيروحلها المحل! 
وده كان نقطة ضعف صاحب المحل لإنه شايف النعمة قدامه وهو محروم منها وكان ملاحظ تربيتها وسلوكها المُهذَّب مـع ولادها واحتوائها لأخطائهم وبعد ما كان شايفها مجرد واحدة مُطلقة فهم وعرف إن زوجها هو اللي غير سوي!

وطلبها للزواج فهي رفضت وقالتله: 
" أنا مش هقدر أوافق "
- ليه؟
أنا مش هقدر أسيب ولادي لوحدهم وكمان أمي ست مريضة.
- بس أنا هعتبرهم ولادي وهيعيشوا معانا؟ 
يبقى لازم تعرَّف زوجتك وأهلك.
- هو وقتها قال لأهله الأول وساب زوجته فترة.

كنت معزومة عندهم في يوم ولاقيته كاتب أسماء ولاد مراته التانية على جدران الشقة وكانت شايفة الحب الكبير اللي شايله ليهم برغم إن أبوهم نفسه ميعرفش عنهم شئ!
وبعد أربع شهور عرف إنها حامل وكان طاير من الفرحة وهنا قرر يقول لمراته الأولى وللأسف بعد مناكفات طلبت الطلاق!
وبعد ولادة مراته التانية راح لمراته الاولى وقالها: 
" طيب تعالي معايا زيارة ليها وشوفي حمزة واتعاملي معاها ولو لمرة واحدة بس! "
ومع الزن والمحاولات راحت فعلاً وبرغم أن التانية فرشتلها الأرض ورد الأولى عاملتها وحش ورجعت بيتها…

بأكمله باقي القصه في أول تعليق