القلاده
اعرفكم بنفسي انا ساره السويفي من مركز في بني سويف
حكاياتي كتير هشاركم واحدة منها هنا
البداية كانت ببيت جدي ابو والدي مكنش مجرد بيت كان اشبه بالقصر حاجة كدة من بتوع افلام ابيض واسود وكل اوضة فيه ليها حكايتها وأسرارها هحكيهالكم بعدين ..
وقتها كنت بنت ال14 سنة لسة معرفش ان مش كل الخير بيتردلك خير
دق علي باب بيت جدي ست وطلبت تشرب
وقتها كنا وقت الظهر طبعا طلعت لها مياه وشربت وطلبت تقعد شوية تستريح لانها مرهقة من الطريق وقتها مفهمتش ليه
الجو مكنش حر خالص كنا بالشتا بس قولت عادي دي ست كبيرة بقي
وقامت تمشي واديتني سلسلة شكلها عادية خالص علشان كنت كريمة معاها وذوق ومشيت .... طبعا ركنت السلسلة بغرفتي ونسيتها لحد ما في يوم صحيت اشرب ماية ولاحظت ضوء خفيف جاي من درج التسريحة بفتح اشوف ملقتش حاجة
عيني وقعت علي السلسلة اخدتها وقعدت اتفرج عليها شكلها مكنش غريب جسم عنكبوت في قلب زهرة عباد الشمس والزهرة لونها دهبي والعنكبوت احمر رحت حطتها تحت مخدتي وشربت ونمت ..
صحيت الصبح قومت جدي وجهزت الفطار مع والدتي وبعد الظهر طلعت اشوف بقي السلسلة والبسها ولما لبستها حسيت برعشة وهوا بارد دخل جسمي كله بس قولت عادي يمكن من الشباك ومحطتش في دماغي ...
ومن بعدها انام واصحي الاقي نفسي بالقبو بتاع بيت جدي بدون ما افتكر جيت ازاي
اوقات اصحي مفزوعه بدون سبب او اصحي الاقي جسمي كله غرقان ماية .. وبدأت اغيب بقي عن الحياة
اهلي حكولي اني بطلت اكل واشرب وكل اهتمامي كان بالسلسلة والعنكبوت لدرجة حاولوا يخلوني اخلعها صړخت وكنت هأذي نفسي …
لتكمله باقي القصه في أول تعليق
