الظل الأخر

القصة دي حقيقية جاتلي من واحدة بثق فيها جدًا جدًا و متأكد إنها مش هتكدب خصوصًا إنها طلبت ميتذكرش إسمها و هتفهموا ليه في الآخر ..
لما كان عندي حوالي ١٣ سنه جدتي تعبت جدًا و من مضاعفات تعبها كان إصابتها بشلل رباعي ..
مكانتش بتتحرك خالص و لا حتي كانت بتتحكم في الإخراج ، كنا بنام معاها واحد كل ليلة عشان يراعيها و يشوفها عاوزة إيه ..
الليلة دي كان دور عمي الصغير و أنا كنت بحب ألعب و أتكلم معاه ..نمنا يومها و بعد شوية صحيت علي حركة في الأوضة 
من بين ضباب النوم شفتها بتتحرك !! ، 
قامت من علي السرير كأن حد بيسندها ،إتعدلت و قامت مشت بخطوات بطيئة ، أنا متأكدة إنها كانت متسندة ! ، الصبح لما صحيت و فقت لقيتها بتبصلي و بتبتسم ، سألتها : " تيتا إنتي خفيتي خلاص ؟ "
قالتلي بإبتسامة حزينة : " لا ، أنا بس بتسند علي حد بكرة هتعرفيه "
بعد الموضوع ده بحوالي سنة و نص جدتي كانت بټموت ، طلبت تشوفني و لما باب الأوضة إتقفل علينا بصصتلي و قالتلي بلهجة مخيفة : " متقوليش لحد اللي إنتي شفتيه عشان هتتعاقبي ! "
خفت أوي لكني فعلًا مكنتش حكيت لحد و مكنتش ناوية أحكي لحد ، ماټت جدتي - الله يرحمها - ، طبعًا قعدنا في بيتها حوالي أسبوع عشان بابا و أعمامي بياخدوا العزا و الحاجات دي ، اللي لاحظته إني حتي لما رجعت بيتنا كنت بلمح حاجة سودا زي ضل بتروح و تيجي في البيت علي الحيطة أو تحت شباكي ، لاحظتها و رحت حكيت لبابا اللي بصلي بهدوء كأني محكيتلوش أي حاجة غريبة و قالي بهدوء غريب : " عادي ، المهم أوعي تقولي لحد ! "
[[system-code:ad:autoads]]فضلنا علي الحالة دي سنة أو أكتر ، كنت بدأت أتعود لحد ما بدأت فجأة و بدون مقدمات أو أسباب صحتي تتعب و تجيلي أمراض غريبة فجائية ، بقي عندي مجموعة أمراض غريبه جدًا إنها تتجمع عند شخص واحد و ده بشهادة دكاترة كتير ، في يوم كنت تعبانة أوي و الألم قاتلني و الضل ده ظهر ، فضلت أعيط و أصرخ بهيستيريا و أطلب منه يكلمني ، صحيت من النوم لقيت بابا و ماما اللي كانوا عايشين كويس و مبسوطين سوا إنفصلوا و ماما بتلم حاجتها و ماشية ، فجأة كده !