ډمرت بيتي
بعد سنة من زواجنا قررت الطلاق!
حاولت معاي بكل جهدها وطاقتها عشان اتغاضى عن عنادي وصنعي للمشاكل بسبب اخواتي.
ولما كنت بواجهها كانت بتبرر لأفعالها إن هي متقصدش تتضايقهم وأن هي بتتعامل بطبيعتها معاها وبصراحه هي كانت علي طبيعتها وبتحاول ترضيني وترضيهم بس هما مكانوش بيرضو وكانو بيزيدوا بالضغط عليها أكتر وأنا كنت بحاول أرضيهم وباجي عليهاأكتر وهي كانت صابره ومستحمله علشان بتحبني وبيتنا ميتخربش بس اخواتي البنات بيدخلوا في حياتنا بشكل مش طبيعي، يوم طلاقنا كانت واقفة هادية وپتبكي في صمت وداه خلاني كنت فرحان أني قدرت أوجعها وأنها مش فارقه معايا مع أنها أترجتني وقالتي بالنص أنت لو سبتني أنا حأموت أنتي روحي اللي بتنفس بيها وقعدت تترجاني بس أنا صممت علشان أوجعها لما كانت تناقشني بالود أن بعض الأمور الخاصه بينا مينفعش أخواتي يتدخلو فيها و كنت عايز أثبت لأخواتي البنات أني راجل وكنت بتعامل ببرود مع اجراءات الطلاق، أنا كنت عارف إنها هتنهار بسبب الحب اللي كان بينا، رجعت لشقتي في نهاية اليوم الشقه هاديه وأوهمت نفسي أن داه القرار الصح بسب الفتره الأخيره بسب كتره المشاكل بينها وبين أخواتي مع العلم هي مكانتش بتشتكي من أفعالهم هما اللي دائمين الشكوي منها والموضوع دخل في تحدي منهم بس كنت حاسس إن الدنيا كلها فوق قلبي!
اخواتي قالولي إن قراري كان عين العقل، وبعد كام يوم رجعت كل واحدة لبيت جوزها بس الغريب إنهم مكنوش بيهتموا بيا ومحدش كان بيسألني أكلت إيه؟ ولا خرجت فين؟ ولا حتى هترجع إمتى؟
ومبقوش بيجوا زيارة زي الأول، رغم إنهم كانوا دايمًا عندنا ولما يجوا يمشوا كانوا بيسيبوا ولادهم عندنا عشان مراتي تذاكرلهم؟ وبحجة إن لازم تتدرب على تربية الأطفال وتتحمّل المسئولية؟
وفي يوم كنت مريض فأختي اتصلت بيا عشان تطلب هدية لبنتها اللي نجحت وحتى مقالتش ألف سلامة عليك؟!
وقتها افتكرت مراتي اللي كانت بتحس بيا من أقل حركة ولو كحيت أو تعبت شوية كانت بتفضل جنبي وتخدمني بكل حب وود!
