زوجي ملك قلبي
آية مراتي محسساني إنها أول ست تحمل في الدُّنيا من كُتر الدلع اللي بتدلَّعُه ورغم ذلك عاصر على نفسي لمونه وساكت وكُل طَلَباتها أوامر من أول تولي كُل مهام المطبخ ..
من بعد ما عدت السابع والدكتورة وصتني قُدامها إني أوفرلها راحة تامة مرورًا بالمرتين اللي إتوحمت فيهم، مرة على أيس كريم وصحتني الساعة أربعة الفجر ونزلتني لفيت وجيبتهم والمرة التانية سردين وكُنا قُرب العِشا وكُنت لسه راجع من الشغل وهونت عليها وبرضوا نزلتني لفيت وجيبتلها مع إن الدُّنيا كانت بتشتي.
وبالرغم من إن كُل مطالبها أوامر إلا إنها بقالها شهر وإسبوعين وخمس أيام مهوبتش حتى من عتبة المطبخ وأنا بطبخ وبكنس وبمسح وبغسل الهدوم وبروح الشغل وببقى مُنبة لمواعيد أدويتها بعد ما أجي.
وواخد إجازة من الشغل بقالي إسبوع عشان كانت تعبت جامد ومن وقتها وأنا مُتقمِّصلها دور الأم ومن فرط الحنية إلَّا إنها قالتلي النهاردة أنا عاوزة أروح لماما!
بصراحة حسيت بقلة تقدير لكُل عملتُه وبعملُه ومستعد أعملُه عشانها وقولتلها بزعل هو أنا قصرت في حاجه؟
ردت عليا بمُنتهى التلقائية وقالتلي أعتقد إن الحُب اللي بينا كفيل إنُّه يخليك غصبٍ عنك متقصرش في حاجة.
ومقصرتش ومتقدرش إلَّا إذا كُنت غير أمين عليا بقى ومش خاېف ربنا في اللي بينا!،
ضحكت وقولتلها بتعرفي تخليني أعمل كُل حاجة وفي نفس الوقت وبكلمة بسيطة تحسسيني إني معملتش ولا حاجة، لكن للأسف مش هقدر أخليكي تنامي بعيد عن ،
ضحكت وقالتلي ده عند أمُه يا أدهم، أنا عاوزة أروح لماما لإنها مرت بتجربة الحمل أربع مرات فيا وفي إخواتي فأكيد عندها حلول لراحتي إنت مش هتعرف تقدمها ..
فقولتلها اللّٰه يهونها عليكي يا حبيبتي، حاضر؛ بس مامتك هي اللي هتجيلك مش إنتي اللي هتروحيلها،
قالتلي كان غيرك أشطر، روح وجرب مع بابا وإن فرَّط في وجودها في البيت ووافق وسابها تيجي معاك معنديش مانع!
قولتلها إن شاء اللّٰه ولما روحتله قالي وهى متجيش ليه؟!
فقولتله عشان متعودتش على عدم وجودها في الشقة.
والشقة بقت بيتي بيها ومش هتبقى كده من غيرها وإبتسمت فابتسم وقالي " يعني إنت إبن البطة البيضة وأنا السوده " الشقة مش هتبقى شقة من غير حماتك برضوا فضحكت وقولتلُه " متخذلنيش في أول طلب أطلبُه منك بقى "
لتكمله باقي القصه في أول تعليق 👇👇👇👇👇
