الجمعة 31 مايو 2024

قصه حقيقيه

موقع أيام نيوز

طول عمري عيشتي مرتاحة ، عمري ما واجهت مشكلة، أهلي كانوا مرتاحين ماديًا بس علموني أعتمد على نفسي وطلعت مهندسة واتجوزت دكتور أسنان.

بس لما اتجوزت مخلفتش ، بقالي خمس سنين وعملت أربع عمليات والدكاترة قالوا الحل عند ربنا، الطب يعجز عن إنه يجعلك حامل، يومها صوت صړيخ قلبي كان فاضحني، زوجي رفض يتجوز عليا وكان بيهون عليا طول الوقت ويقولي: ياستي الفلوس بتسند مش لازم عيال، محدش بياخد من الدنيا كل حاجة. 
بس مهما كان الخلفة بتوجع الست وبتحسسها إنها أقل واحدة، رجعت من شغلي في الشركة وروحت قعدت مع نفسي في كافيه بسيط واڼهارت من العياط ..
صوت البنت اللي قاعدة في الترابيزة اللي ورايا لفت انتباهي وهي بتتكلم في التليفون وبتقول لصاحبتها:

كان نفسي أحقق وصية أبويا بس قلة الفلوس منعاني، مسحت دموعي وروحتلها وقولت: ينفع أقعد معاكي؟

بصتلي ولاحظت بكائي وقالت وهي بتبتسم: أكيد.

وبعد ما أتعرفت عليها وطلعت شخصية جميلة وحنونة قولتلها:

سمعتك وانتي بتقولي قلة الفلوس بتمنعك تحققي حاجات كتير بس على الأقل معاكي صحاب بيحبوكي وممكن تتجوزي وتخلفي، أنا بقا مبخلفش وصحابي كلهم بتوع مصالحهم، صدقيني الفلوس مش سعادة الإنسان الحقيقية. 



ضحكت وقالت: بس قلتها بتخليكي عاجزة مش عارفة تحققي حاجة في حياتك، وبتذل الإنسان، أنا أبويا وأمي بعد ما حوشوا تحويشة عمرهم عشان يحققوا حلمهم ويروحوا الحج سوا الفلوس اتسرقت معرفتش أرجعها ..
مرضوا وماتوا ومعرفتش أعالجهم وكمان معرفوش يروحوا زيارة للنبي، كل ده والفلوس مش مهمة!!

ضحكت وقولتلها بقالي خمس سنين نفسي أجيب حتة عيل معرفتش أجيبه بالفلوس، مشكلتك سهلة بالنسبالي بس صعبة بالنسبة لكل الناس، ردت عليا رد متخيلتهوش:

بس مش صعبة بالدعاء، مش صعبة بالصدقة واليقين، انتي غايب عنك حاجات كتير مكسلة تعمليها. 
رديت عليها بضحكة فيها الم وقولت: وانتي معملتيش ده ليه؟

الحمد لله بعمل العبادات وبحب ربنا وبيني وبينه عمار. 
طيب وحلمك متحققش ليه؟

مين قالك متحققش، بيجيلي كل يوم رسالة إنه هيتحقق، وجالي رؤية بتأكدلي ده ..
وبعد معرفة قوية بينا وصحوبية عملتلها جواز سفر ورنيت عليها قولتلها:  رؤيتك اتحققت يا عائشة.

وطلعتها الحج وبقت تكلمني من جبل عرفات وتقولي:

أبويا وأمي كل يوم يقولولي في الحلم إحنا مبسوطين أوي.

لتكمله باقي القصه في أول تعليق