زوجتي الأصيله
وأنا ماشي رايح الشغل جالي تليفون من أهلي بيقولولي فيه " تعال بسرعة مراتك ماټت! "
رميت الموبايل وجريت على البيت بفزع ومكنتش مستوعب الصدمة وكم الۏجع اللي نزل في قلبي، وكأني خدت طلقة في قلبي، يمكن اللي بياخد طلقة وبيموت بيرتاح، بس أنا خدتها عشان تفضل راشقة في قلبي ومسببالي ألم العمر كله.
كان عندها کانسر لكن متوقعتش أبدًا إنها ټموت بعد الجلسة التانية من الكيماوي!
شيلت كفنها ودفنتها وبعد ما روَّحت شقتنا بقيت شايف كل ذكرياتي معاها في كل ركن، مكنتش فاهم ليه ده يحصل؟
ومعلش يعني في السؤال اللي تقريبًا مش هلاقي إجابته:
" هو مش كل حاجة بتحصل وراها حكمة؟ "
طيب إيه الحكمة إن مراتي ټموت وتسيب طفلين لسه حتى مدخلوش تالتة ابتدائي؟
اتوضيت وروحت لأول مرة أصلي العشاء جماعة في المسجد وبعد ما خلصت لاقيت واحد قعد جنبي وشّه بيشع سهام نور لابس كمامة بيضاء وقفطان، حط إيده على ايدي وقالي:
" شكلك مهموم، تشتري مني سحر؟ "
بصيتله باستخفاف وقولتله:
" سحر إيه ياعم، ربنا يبعدنا عنه "
خلع الكمامة وضحك بصوت عالي وكان فيه فرْق بسيط بين سنانه وبعدين قال: " هو سحر في اللفظ بس؛ لكنه حلال في العمل به! "
فقولتله بعدم فهم:
" وده بيعمل إيه يعني؟ "
بيحل العُقد ويريح القلب ويهدي الروح.
- دُلني عليه الله يكرمك.
مش هتعمل حاجة غير إنك تردد الدعاء على طول، وعلى قد تعبك زوِّد عدد المرات اللي بتدعيها والدعاء هو:
" اللهم يا مسهل الشديد ، ويا ملين الحديد ، ويا مُنجز الوعيد، ويا من هو كل يوم في أمر جديد، أخرجني من حلق الضيق إلى أوسع الطريق بك أدفع ما لا أطيق، ولا حول ولا قوة إلا بالله العلي العظيم، رب لا تحجب دعوتي ولا ترد مسألتي ،ولا تدعني بحسرتي، ولا تكلني إلى حولي وقوتي بل إلى حولك وقوتك، ياودود ياودود ، ياذا العرش المجيد، اللهم إنّي أسألك بنور وجهك الذي ملئ أركان عرشك "
وبعدها تدعي بمطلبك وشوف المعجزات اللي هتنور حياتك!
سيبته وقومت وأنا بضحك من جوايا ومش مصدق كلامه.
بس حاجة جوايا قالتلي " ما تجرب؟ "
وبصراحة لما هو قال الدعاء ده قدامي حسيت وكأنّه رمى في قلبي قطعة استبرق أو لمبة نور علقھا في ظلماتي، قعدت أردد الدعاء وبعد سنة تقريبًا أهلي غصبوا عليا أتجوز وحاولوا كتير يقنعوني، حتى لو مش عشاني فعشان ولادي!
وفعلاً اتجوزت ست مُطلقة بسبب إنها مبتخلفش، هي جميلة جدًا شكلاً وطيبة بشكل يلين له الحجر وحتى لما سألت على طليقها لاقيته راجل محترم، فسألتها " إيه سبب طلاقك؟ "
قالتلي " أنا اللي طلبت الطلاق، عشان يخلّف ويفرح، هو ده مش حقه صح؟ "
بس هو كان بيحبك!
- بس ربنا لا يعجزه شئ وله في خلقه شئون وأكيد لعله خير!
مرِّت الأيام وولادي كانوا بيتغيروا من كل حاجة، بكائهم بقى ضحك، شكلهم بقى مُنسَّق ونضيف، حبها ليهم مكنش زيف ولا كان مجرد كلام، كنت بشوف حنيتها عليهم، خۏفها الشديد لو حد فيهم عطس بس، وفي يوم رنت عليا وأنا في الشغل وكانت پتتوجع جامد فقولتلها تقول الدعاء اللي الراجل قاله ليا في المسجد لحد ما أرجع وأخدها للدكتور..
خلَّصت بسرعة ورجعت البيت خدتها وروحت بيها للدكتور فلاقيته بيقولي " مبروك المدام حامل! "
معقولة؟
