روايه كامله

مسكت موبايلي وفتحت فيس، لاقيت فستان شكله رهيب لدرجة إنِّي طلبته أون لاين، الكل قعد يتريق عليا عشان الفستان كان مقاسه صغير ومش هيلبسني!

عملت ريجيم لمدة سنتين، لبست نفس الفستان، ده كمان عملت غيره لبنات كتير ومع الوقت بقى ليا براند باسمي. 
واتشهرت جدًا وكل ديزاين كنت بعمله كل المصانع كانت بتشتريه منِّي، كنت بنزل الشوارع الاقي البنات لابسة من تصميمي، عمِّلت حصَّالة وكتبت عليها: " هشتري عربية! "

وبعد خمس سنين اشتريتها، مكنتش متوقعة كرم ربنا اللي زرع جوايا الحياه من جديد .. كان بيتقدملي عرسان كتير بس المرة دي كنت أنا الطرف اللي بيختار وبيرفض مش المُختار الذليل اللي مستني حد يقوله: " موافق "

ولما اتجوزت اختارت اللي رسمني هدفه وأمنيته الأولى. 
اللي قال " لو متجوزتش دي مش هتجوز غيرها "
مش عارفة أقول كسبني ولا كسبته، بس المهم إني كسبت.

وفي مرة كنا قاعدين في البلكونة وبسأله: 
" خلتني أوافق عليك إزاي؟ "

رد وقالي: " بالدعاء والمحبة ومن القلب للقلب رسول "

كنت شاطرة في بيتي، وموفرة لزوجي الراحة، وناجحة جدًا في شغلي، ولما كنت بقابل حد كان بيقولي: 
" البنت ملهاش غير مطبخها وبس "

كنت بركب عربيتي وبمشي.

الۏجع مش بس بيتقصر إنك متلاقيش شريك حياه، الۏجع ممكن يبقى أكبر لو ملاقتيش نفسك  

واقعيه..