روايه كامله

كُنت سايق العربية ورايح شغلي فشوفت ست قـاعدة قدام مستشفى وحرفيًا مش قادرة تتنفس من العياط!
فنزلت وقولتلها " مالك يا أمي خير؟ "

فقالتلي إنها مستنية ابنها بيعمل عملية خطېرة في رجله.
وفلوس العملية ٥٠ ألف جنيه!
لإنه بيلعب كورة ووقع، وهي استلفت الفلوس وملهاش مصدر دخل ثابت، وبعدين مسحت دموعها وقالت:
" بس أنا واثقة في ربنا "
فبصيتلها وقولتلها " واثقة في ربنا قد إيه؟ "
ردت وقالتلي:
" هو في أكتر من إني أثق إنه هيجبرني؟ "
ضحكت بصوت عالي وقولتلها وأنا بغمزلها بمداعبة:
" طيب تعالي معايا "
ردت وقالت بملامح غامضة:
" على فين؟ "
- هعزمك على أكلة ياستي لإنك أكيد جعانة، وبعدها اعزميني عندك في البيت ومش هقول لا.
وفعلاً جات معايا المطعم وبعدين خدتها ودفعتلها مبلغ علاج ابنها وتكاليف العملية، لإني مرتاح ماديًا بس لـما بعمل خير بعمله لحد شوفته صدفة وحاسس إن ربنا بيجيبهولي سبب في طريقي، قعدت تشكر فيا  
رفعتها من الأرض وقولتلها:
" ادعيلي وبس "
فلاقيتها طبطبت على كتفي وقالت:
" ربنا يبعد عنك فواجع الأقدار وسوء الخفايا "
ولما سيبتها ومشيت عملت حاډثة بالعربية، بقيت پصرخ من الۏجع لحد ما الناس خدوني المستشفى ودخلت العمليات.

وبقيت أقول في نفسي طب أنا عملت إيه لكل ده يارب؟