عمار البيت

لكم حريه التصديق فيما اقوله لكم وساقصه عليكم

انا حماتي ست كبيره وقاعده لوحدها وكنت بزورها انا وجوزي علي طول وبروح البيت انضفه واوضبه واشوف اللي ناقص فيه اعمله 
وجوزي هو كمان الله يباركله كان بياخد كل اسبوع طلبات البيت كله ليها وانا ارتبها في التلاجه بنفسي

وكنت ديما لما بعمل الاكل ونتعشي بتكون الساعه علي عشره ونص 11 بليل 
وطبيعي اغسل الاطباق وانضفها بعد الاكل. 
حماتي كانت تقولي لا يا حبيبتي سبيها للصبح 
يا ماما انا بقول اعملها دلوقتي انا فاضيه 
لا يا حبيبتي النهار له عنين  خليهم للصبح  

ولما اصمم اعملهم كانت تقولي طيب اعملي شعريه بسكر هاتي طبق منها لجوزك هو بيحبها كنت بستغرب هي ليه رافضه اني اغسل الاطباق ولا اقرب منها بعد الاكل

لحد ما في يوم جالنا اتصال من جيرانهم ان ماما جوزي تعبت واتنقلت للمستشفي    
جرينا علي هناك وفضلت جمبها لعند ما الحاله استقرت وبقت كويسه والدكاتره قالوا انها لازم تفضل تحت العنايه لمده يوم كمان

رجعت البيت عندها رتبته وعملت اكل وديته ليها المستشفي وجوزي جه اطمن عليها ورجعنا البيت عند مامته وطلب انه يتعشي

دخلت سخنت الاكل وجهزته له وبعد ما اكل  لمېت الاطباق وغسلتها ورتبت المطبخ ودخلنا نمنا بليل قلقت بدون سبب لا عطشانه ولا عايزة اعمل حمام انا قلقت  لمجرد القلق

سمعت صوت حاجه بتخبط في المطبخ اطباق بتترفع وصوت غطيان الحلل بتتخبط 
قمت ابص يمكن يكون فيه قطه ولا حاجه في المطبخ جت من الشباك

بنور النور لقيت اغرب منظر خلاني اتسمر مكاني مش عارفه اتصرف ازاي 😳