زوجي الوفي

أنا كل حاجة وصلت ليها في حياتي كانت بفضل ربنا ثم "أحمد" جوزي.. إحنا متجوزين من ٢٠٠٨ ..
أول ما اتجوزت حملت على طول في يوسف ابني ، بعد الولادة بشهرين  بالظبط كنت حامل في چنى بنتي 

كملت الحمل وقلت دي إرادة ربنا، وفجأة وسط الحمل ظهرتلي حاجة غريبة في رجلي، كمية أوردة و شرايين في رجلي مـ ـرعبة ، و اسأل يقولولي دي دوالي حمل متقلقيش ، الموضوع ابتدا يزيد لدرجة و أنا قاعدة أحس ان في نبض شديد راح زاققني لقدام !! 
طلع عندي حالة نادرة مالهاش علاج ، حلها اننا بنعمل عملية صغيرة بنقفل الشرايين و الأوردة بمادة كده لأن قلبي كده بيستهلك صلاحيته قبل الأوان ممكن وانا قاعدة أروح  ميـ ـتة و العملية هتبقى من غير بنج عشان أفضل متابعة معاهم.. دخلوني العمليات أول مرة المادة طارت من الدكتور طلعت على الرئة معرفش يتحكم فيها !! 
تاني مرة راحت المادة عاملالي حساسية كانت هتـ ـموتني، دخلوني العمليات للمرة التالتة فضلت جوا ٨ ساعات جوزي بيقومني بقوله إلحقني أنا مش لاقية رجلي، رجلي شكلها بقى غريب كأنها بتضمر .. عارفة الناس بتاعة المحٕاعات انا رجلي كانت عاملة زيهم ، الدكتور قالي معلش يا بنتي أصل واحنا بنحقن قفلنا على الشريان المغذي لرجلك و المادة مينفعش تتشال أصلها بتلزق زي الجبس !!!