صندوق جبر الخواطر

#يحكي_ويقول..
كنت بتكلم مع صاحبي وبحاول أقوله يقنع المدير أرجع الشغل تاني! 
اترفدت من شغلي بسبب غيابي أسبوعين عشان أمي كانت محجوزة في المستشفى وهي ملهاش غيري..

حطيت الأكل والعلاج لأمي وبعدين خرجت من البيت عشان متلاحظش خنقتي، مشيت في طريق زراعي، رجلي وقفت لما سمعت بنت بتكلم خطيبها وبتقوله: 
" تعالى خد دهبك! "
ومن طريقة كلامها وردودها طان باين إنه شاريها وبيحبها، وتقريبًا هو قالها " مش عاوزة تكملي معايا ليه؟ "
فردت وقالتله: " يمكن ملناش خير في بعض "

وبعدين قفلت الموبايل وقالت دعوة دخلت قلبي أبهجته: 
" يا رب عَرفتُك مُجيبًا فَچئتُك باكيًا وحاشاك ربي أن ترد دعائي "

وقفت بسأل نفسي عن سبب فراقهم، وخصوصًا إنه باين من صوتها إنها بتبادله نفس الحب، قطع فضولي صوت أمها وهي بتقولها: 
" نهيتي معاه ليه؟ ده كان شاري وبيحبك "
[[system-code:ad:autoads]]البنت صمدت شوية وبعدين اڼفجرت في العياط وقعدت تتكلم مع أمها وترفع عنها القلق وتطمنها.. 
ومن كلامهم عرفت إنها يتيمة أب شبهي، أمها مريضة برضو شبهي! 
بس أنا مرفود من شغلي وهي سابت خطيبها عشان فلوس شغلها بتخلص على علاج أمها، لإنها مريضة قلب!

قعدت على الرصيف بفكَّر في كل بنت طالبة الحلال ومش قادرة تنوله، وكل شاب نفسه يعف نفسه والظروف كاسرة عينه!

فجأة انتفضت من مكاني وجه في بالي فكرة، وروحت اشتريت صندوق خشب وكتبت عليه: " جنيه كل جُمعة "
وحطيت قدام المسجد وشرحت للشيخ اللي كان يعرفني كويس وقولتله يقول للناس في الخطبة إن الصندوق ده اسمه: " صندوق جبر الخواطر "
وده هيبقى عبارة عن تنافس بين المُصلين، وكل يوم جمعة كل واحد هيحط جنيه واحد بس!

اتوقعت إن كل شهر هلاقي مبلغ بسيط! 
لكن اللي حصل مكنش متوقع، معرفش إيه العمار بين العروسة دي وربنا؟ يمكن عشان ضحّت بسعادتها عشان أمها؟

لتكمله القصه في أول تعليق 👇👇👇