الجمعة 31 مايو 2024

الصدقه 1

موقع أيام نيوز


كان فيه واحد غني اوي ماشاء الله ، كان عنده مشاكل في الأمعاء عمل عمليات كتير قص ولزق وترقيع وحاجات كتير  مايفهمهاش غير أهل الطب .
في يوم كان راكب عربيته وزهقان من الدنيا وماشي تائه لا عارف رايح فين ولا جاي منين .



ركن جنب نهر النيل في قرية صغيرة فشاف من بعيد راجل فلاح فارش ع مسطبه طين وقاعد ياكل .
الغني نزل من عربيته وفضل واقف يتفرج ع الغلبان وهو بياكل .
الغلبان شافه جري عليه ومسك فيه لازم يتفضل ياكل ويشرب شاي .
حاول الغني يفهم الغلبان أنه مايقدرش يأكل لكن الغلبان أصر .


قعد الغني ع المسطبه وادامه صنية اكل ( طماطم صحية وخيار وجرجير وخس وفول وطعميه وعيش فلاحي وابريء الشاي ع الفحم .
وعشان الغني ما يزعلش الغلبان مد ايده واخد طمطمايه ويرفع أيده لفمه وينزلها تاني  
الغلبان لاحظ بس فكر أن الغني قرفان من الاكل فقاله سمي الله وكل ومتقلقش الاكل نضيف جدا .


الغني سمى الله واكل كل الطمطماية في لحظة وبعدها منع نفسه بالعافيه عن الأكل .
مافيش دقائق والغني صړخ ببطنه واترمى ع الأرض من شده الالم .
الغلبان اټرعب ونده ولاده شالوا الغني ودخلوه الدار .
والغني طلب شنطة علاجة من عربيته واخد المسكنات ونام .
الغلبان فضل طول الليل يصلي ويدعي للغني الله يرفع عنه ويشفيه .
صحي الغني ع صوت دعاء الغلبان وهو رافع أيده ويقول يارب بحق المعزه ..
استغرب الغني وفضل ساكت يستمع لدعاء الغلبان لغاية قبل اذان الفجر .
ختم الغلبان قيام ليله وبعدها سأله الغني ايه حكاية المعزة دي اللي كنت بتدعي بيها ؟؟؟