قصه كامله

فتحت الواتس يوم التخرج وبدأت أعمل Delete  
لكل المحادثات القديمة عشان المساحة وفجأة لاقيت رقمها اللي كنت مسجله باسمها چاكلين! 
لكن العجيب إني لاقيت صورة بنت مختمرة وحاطة ملصق على وشها
دخلت وقولتلها بتعجب مش ده رقم چاكلين 
ردت وقالت چاكلين سابقا 
قلبي أصابه رعشة ملثجة لجلجت قلبي وعلثمت لساني.
فبعت رسالة كمان وقولت
وحاليا 
لاقيت رسالة مكتوب فيها
حاليا حفيدة رسول الله فاطمة 
كنت عارف إنها يتيمة الأب وهي وأمها عايشين لوحدهم.
وبعدين عملتلي بلوك!!
دخلت كلمت أقرب صحاب ليها وبدأت اسأل إزاي 
فقالولي إني بعد ما سيبتها قعدت تسألهم عن كتب في السيرة النبوية ولما كانوا بيقولوها ليه
كانت بتقول أنا حبيت شخص رسول هو اللي رباه 
فعاوزة أعرف مين محمد رسول الله
وبالفعل قرأت جميع أجزاء السيرة النبوية ولإن هي ومامتها أصحاب حاولت تقنعها تقرأ معاها بحجة حب التطلع في أول الأمر وبعدها يشاء رب العالمين يلاقوا فاطمة ومامتها معاهم في أكاديمية زاد 
قولت لأهلي للمرة التانية بس كان أمر اقناعهم سهل شوية.
خطبتها بعد معاناه ويوم كتب الكتاب رايحين نحجز فستان الفرح شوفت خطيبتي الأولى بالصدفة لابسة بناطيل
ومخطوبة لشاب واضح عليه إنه غير سوي نفسيا ولما قالتله بلاش الفستان ده كان هيضربها!.
فمسكت إيد فاطمة وبصيت للسماء وغمضت شوية وجه في بالي وقتها قصة عبدالله القصيمي 
الراجل ده كان من أكبر المؤلفين في عصره لدرجة إنه ألف كتاب من جماله الناس بالغت في وصفه وقالت 
إنه دفع به مهر الجنة 
وكان اسم الكتاب الصراع بين الإسلام والوثنية 
ومن هنا أصاب الزيغ قلبه والغرور استحوذت عليه وبعد كل ده الشبهات نسجت أفكار وبيوت الشك وبعدها ألف كتاب بيهاجم فيه الإسلام وكان اسمه هذي يد الأغلال 
نعوذ بالله من غرور النفس والخذلان!
وكل ما كانت نفسي تغتر كنت أفضل أكرر الآية دي
ربنا لا تزغ قلوبنا بعد إذ هديتنا وهب لنا من لدنك رحمة ۚ إنك أنت الوهاب 
وقتها اتأكدت إن اللي بيعيب حد بذنبه يبتلى به ولو بعد حين
بصيت لفاطمة بدموع ممزوجة بسعادة وقولت 
تعرفي أنا حبيتك ليه 
ردت وقالت ليه 
أصل القلوب للقلوب عماير وبيكي انصلح قلبي وأعتمر .