دعاء المعجزات

" حاضر ياعمو هدخل ألم هدومنا ونمشي! "
ده كان كلامي لصاحب العمارة اللي طلع وقفلنا على الباب بعد ما قعدنا خمس شهور من غير دفع الإيجار وفي اللحظة دي تحديدًا افتكرت لما ماما اتصلت بيا وانا في الجامعة وقالتلي: 
" تعالي بسرعة أبوكي تعبان وعاوز يشوفك "

جريت على المستشفى وانا الدنيا بتخبط فيا.. دماغي فيه مليون حاجة بتخوفه وبتقوله: " لو أبوكي حصله حاجة تفتكري هتروحي فين انتي وأمك واخواتك؟ ياترى الزمن هيرحمنا ولا هنتشرد؟ "

وقتها لاقيت لساني بيقول: 
" ياحي يا قيوم برحمتك أستغيث أصلح لي شأني كله ولا تكلني إلى نفسي طرفة عين "

فضلت أكرر في الذكر ده لحد ما وصلت المستشفى، كنت دايمًا بسمع إن معناه يارب متسبنيش لنفسي، ولا حتى لثانية واحدة، الثانية نفسها اللي برمش فيها، الدعاء ده معناه عظيم جدًا للإنسان اللي هيفهم إنك بتوكل كل أمورك لربنا وبتقوله متسبنيش يارب "

رجلي وقفت قدام الأوضة اللي بابا فيها.. سمعت الدكتور وهو بيقول لازم نعمله بتر في رجله، الكلمة نزلت على قلبي زي الصاعقة. 
حسيت الدنيا بتلف بيا.. فضلت أزيد في الدعاء وأكرر في الذكر ده أنا عارفة إني موجوعة جدًا بس مكنش قدامي طريق غير ربنا.

بدأت اشتغل أون لاين بس يادوب المكسب اللي كان بيجيلي كان بيقضينا ناكل مرة واحدة في اليوم، قعدت انا واخواتي من الدراسة. 
وجيت في يوم صليت العصر وسجدت باڼهيار وفضلت أدعي وقومت مسكت السبحة وفضلت أذكر ربنا وفجأة لاقيت صاحب العمارة بيخبط على الباب، قلبي انتفض وقولتله: 
" حاضر ياعمو هدخل ألم هدومنا ونمشي! "

لتكمله القصه في أول تعليق