الضحيه

#تحكي_وتقول..
كنت في معرض اجهزه كهربائيه وتليفونات واقفة بشتري حاجات للولاد ، دخل شاب وبنت وقفوا في قسم الموبيلات بعيد عني شوية بس قادرة أسمع الولد طلب أيه !!
طلب موبايل ماركة معينة البياع قاله سعره 20 الف و 700 جنيه ، قاله مش مهم !!

فتحله علبة الموبايل وجربهوله وتمام ، الولد قاله من فضلك ركبلي الخط بتاعي فيه عايز أجرب الصوت ودرجة نقاء السماعة هعمل مكالمة منه أنا خلاص أشتريت !!!
البياع ركبله الخط وشغله والولد بيعمل مكالمة آلو آلو أيوه يا هاني آلو أنا سامعك كويس آلو وألتفت للبياع وقاله السيجنال هنا ضعيفة ولا أيه ؟!
البياع قاله ممكن أحنا دور أرضي والمحل مغلق علشان التكييف ، فتح باب المحل وخرج علشان السيجنال بره أقوى صاحب المعرض قاعد متابع الموقف ما أتحركش من مكانه لإن البنت موجودة قاعدة على الكرسي قدام البياع !!

فاتت 30 ثانية وشاور صاحب المعرض لأحد العاملين يشوف الولد اللي خرج بالموبايل علشان يجري مكالمة ، خرج العامل ورجع قاله مافيش حد بره يا باشا والأستاذ اللي كان بيتكلم في الموبايل مالوش أثر بره !!!!
لهنا والمعرض بالكامل أتكهرب ووقفوا البيع ، أنا كنت أشتريت ودفعت وخلاص ماشية ، وقفت مكاني لما حصل الموقف ده مش علشان أتفرج ولكن لفت نظري شكل البنت !
واضح إنها بنت ناس مش بنت شوارع ، سنها بين 18 و 20 ما تزيدش عن كده أكبر من بنتي بكام سنة تقريباً !!

صاحب المعرض بكل العاملين وقفوا قدامها وقالولها أنتوا عصابة وهنبلغ البوليس ، البنت أنا متابعة ردود أفعالها من بعيد ، البنت أنا كـ منى قدرت أحلل من ردود أفعالها إنها فعلاً مش مچرمة ومش ڼصابة وأنا كـ أم عندي زيها قدرت أحس رعشة قلبها وصدق عباراتها وهى بتحلف إنها والله والله أول يوم تشوفه النهاردة !!!!
بدأ بعض العاملين هيحاول يمد أيده عليها كأي كائن عايز يستغل الزيطة ويزيط بكام قلم على كام بوكس على زقة إرضاء لصاحب المحل !!!
صاحب المحل عارفني كويس جداً بحكم الجيرة وبحكم إني لما بحتاج حاجة لازم باخدها منه ...
المهم هنا تدخلت ووقفت قدام البنت وقلتلهم ماحدش يمد أيده عليها ، شاكك فيها بلغ قسم الشرطة يجي ياخدها إنما مافيش حد يلمسها !!!

لتكمله القصه في أول تعليق 👇👇👇